පැවැති කැබිනට් රැස්විමේදි ජනාධිපතිවරයා පවා කියා තිබුනේ හිගයකින් තොරව අතව්‍යශ්‍ය භාණ්ඩ පෝලිම්වල නොසිට ජනයාට ලබාගැනිම හැකි වැඩපිළිවෙලක් සකසන ලෙසය.
පසුගිය දිනවල කිරි පිටි වලට මෙන්ම ගෑස් වලටද රට පුරා පෝලිම් පැවැති ආකාරය මාධ්‍ය විසින් ප්‍රචාරය කර තිබුණි.
මේ අතර ගෑස් මිල ඉහළ දැමීම සම්බන්ධයෙන් අද (10) අවසන් තීරණයක් ගැනීමට නියමිත බව ලිට්‍රෝ සහ ලාෆ්ස් ගෑස් සමාගම් පවසයි.
ඒ අනුව නව මිල ගණන් යටතේ හෙට (11) දිනයේ සිට ගෑස් අලෙවි කිරීමට සැලසුම් කර ඇති බව යි ගෑස් සමාගම් පවසා සිටින බව නිව්ස්වයර් වෙබ් අඩවිය වාර්තා කර තිබේ.
පැවති ලාෆ්ස් ගෑස් හිඟයට පිළියමක් ලෙස පසුගියදා රැස්වූ කැබිනට් මණ්ඩලය ගෑස්, කිරිපිටි ,තිරිඟුපිටි සහ සිමෙන්ති පාලන මිල අහෝසි කිරීමට තීරණය කළේය.
මීට පෙරද ඩොලර් හිඟය හේතුවෙන් ලාෆ්ස් ගෑස් හිඟයක් මතුවූ අතර රජය ලිට්‍රෝ සහලාෆ්ස් ගෑස් මිල ඉහළ දැමීමට අවසර ලබා දුන්නේය.
එහෙත් ලාෆ්ස් ගෑස් හිඟයක් සති දෙකකින් පමණ යලි මතුවූ අතර පවතින මිලට ගැස් සැපයිය නොහැකි බවයි එම සමාගම පෙන්වා දි තිබුණි..
අද තීරණය වන මිල අනුව මෙරට පවතින ගෑස් හිඟය ද අවසන් වීමට නියමිතව ඇතැයි නිව්ස් වයර් වැඩිදුරටත් සටහන් කර තිබේ.
