හාලිඇල – මුදුන්පිට , ප්‍රදේශයේ පැවැති මංගල උත්සවයක් හේතුවෙන් වරායේ සේවකයන් කොරෝනා අසාදිතයන් බවට හදුනාගෙන තිබේ.මෙම සේවකයන් සහභාගිව සිටි මංගල උත්සවයේ දැරියගේ පියාද වරාය සේවකයෙකු වන අතර ඔහුට කොරෝනා ආසාදනය වි තිබේ
මුදුන්පිට ආසා‍දිතයාගේ බිරිඳ බදුල්ල මහ රෝහලේ හෙද නිලධාරිණියක් වන අතර ඇයගේ ආරාධනයෙන් ඇය සේවය කරන වාට්ටුවේ කාර්යමණ්ඩලයේ 15 දෙනෙක්ද මංගල උත්සවට සහභාගි වි ඇති බව විමර්ශන වලදී අනාවරණය වී තිබේ .
ආරක්ෂිත පියවරක් ලෙස ඔවුන් සියළු දෙනා ඔවුන්ගේ නිවෙස් තුළම ස්වයං නිරෝධායනයට ලක් කර තිබේ .
මෙහිදි පැහැදිලි වන එක් කරුණක් තිබේ. එනම් කිසිවෙකුත් කිසිවිටකත් නොසිතන තැනකදි නොසිත මොහොතකදි ඔබත් ආසාදිතයෙකුට නිරාවරණය විමට ඇති ඉඩ ඉමහත්ය යන යථාර්ථය පමණි.
ඉන් බේරිගත හැක්කේ ඔබ විසින් ඔබගේ සංචරණයන් වෙනුවෙන් සිමාවන් පණවා ගැනිම තුල මිස අන් කිසිඅයුරකින් නම් නොවන බව රටපුරා දිනපතා ලැබෙන පුවත් වලින් අගේට තහවුරු කරමින් තිබේ
