සැඟවුන අදුරු බිම්වල
පැලවුනු ධවල පැහැ බිම්මල්
ඔක්තෝබරයේ හිරුරැස් ඉල්ලා
මතුපිට පිපෙනු ඇති..
සැනෙකින් පොඩිවී ,තැලී යා වුවත්
නිහතමානීව ක්ෂණයෙන් පෙනී ,
නොපෙනී යා වුවත්..
සිහින් හිරු රශ්මියක් පතන
තෙත්බරිත සුදක සැඟවූ
බිම්මලක් සිනාසෙනු ඇත..
ලේ වුවද පොලොව යට මිදී
දහස් වර්ෂ ගත අඳුරකට
ඉඩදෙනු ඇතිය..
මීනී කඳු මත නොමියැදුනු තනිකමක්
සීතලක් සේ මතුපිටට එබෙනු ඇත
ආදරය නොලැබුණ දුක්ඛිත ආත්ම මත
බිම්මලක් පිපෙනු ඇත..
තෙතබරිත සුදක සැඟවූ
බිම්මලක් සිනාසෙනු ඇත..
කුමාරි ප්‍රනාන්දු
