කොරෝනා ආසාදනය හේතුවෙන් මිය යන මළ සිරුරු භූමදානය කිරීම සම්බන්ධයෙන් පත්කර ඇති කමිටු කුමන තීන්දුවක් ගනු ලැබුවද ඒ සම්බන්ධයෙන් අවසන් තීරණය ගැනීමේ බලය රජය සතු බව රාජ්‍ය අමාත්‍ය දිලුම් අමුණුගම පවසා ඇති අතර බුද්ධිමත් ප්‍රගතිශිලි සමාජය මේ දැනටමත් දැඩි ලෙසින් හෙළා දකින්නට පටන් ගෙන තිබේ
මාධ්‍ය හමුවකදී මාධ්‍යවේදීන් යොමුකළ ප්‍රශ්නයකට පිලතුරු දෙමින් ඒ මහතා කියා සිටියේ ජනතාව ඡන්දය ලබාදී ඇත්තේ කමිටු වලට නොව,රජයට බවයි.
මැතිවරණය කාලයේදී පවා ගෝඨාභය රාජපක්ෂ මහතා ඒකාධිපතියෙක් බවට පෙන්වීමට උත්සහ කළ බව මෙහිදී මතක් කළ රාජ්‍ය අමාත්‍යවරයා කියා සිටියේ කමිටු වලට නිර්දේශ කළ හැකි වුවත් ඒවා සලක බලා අවසාන තීන්දුව ගත හැක්කේ ජනාධිපති ගෝඨාභය රාජපක්ෂ සහ ආණ්ඩුව විසින් බවයි.
දිලුම් ගේ මේ ප්‍රකාශය තුල මේ රජයේ ප්‍රජාතන්ත්‍රවාදය ගැන මෙන්ම විද්‍යාව වෙනුවට අවිද්‍යාව කොයිතරම් නම් මුල්බැස ගෙන ඇතිදැයි කදිමට පෙනේ
