ෂෙහාන් මාලක අත්අඩංගුවට ගැනිමත් සමගින් කතෝලික සභා නායකත්වය විසින් ඉදිරියට පැමිණ පොලිසියට සහ නීතිපති දෙපාර්තමේන්තුවට එරෙහිව දැවැන්ත විවේචනයක් මේ වන විට එල්ල කර තිබේ.
දකුණේ කතෝලික සභා නායකයන් රටේ පොලිසියේ අපාරධ පරික්ෂණ දෙපාර්තමේන්තුවේ කෙරුවාව ගැන ඒ ආකාරයෙන් විවේචනයන් ඉදිරිපත් කරමින් පෙරට පැමිණිම සැබැවින්ම අගේ කළ යුතුමය.
පසුගිය කාලය තුල සමාජ මාධ්‍යය යුද්ධයේ පිඩාවන් නිසා විලාප දෙන මව්වරුන්ගේ ඡායාරූපයක් බෙදාහැරියේ යැයි කියා වාලච්චේන පොලිසිය විසින් 2020 නොවැම්බර් මාසයේදි අත්අඩංගුවට ගෙන තිබුන ගෝකුලදාසන් නැමැති සමාජ දේශපාලන ක්‍රියාකාරියා තවමත් හිරේය.
සමාජ මාධ්‍ය හරහා සිය අදහස් බෙදා ගත් 100 කට වැඩි පිරිසක් නැගෙනහිර පළාතෙන් අත්අඩංගුවට ගෙන මාස ගණන් සිරගත කොට තිබේ.
අරුමය වන්නේ දකුණේ කතෝලික සභා නායකයන්ට හෝ මානව හිමිකම් සංවිධාන සහ මාධ්‍ය සංවිධානවලට හෝ මේ අත්අඩංගුවට ගැනිම් පොලිස් නරුමයත් ලෙසින් නොදැනි තිබිමය.
මෙයට අමතරව විශාල පිරිසක් ත්‍රස්ත විරෝධි පනත යටතේ අත්අඩංගුවට ගෙන වසර ගණන් සිරගෙවල් වලය.
ත්‍රස්ත පණතට එරෙහිව දමිළ දේශපාලන නායකත්වයෙන් ඊයේ ඇරඹි විරෝධතාවය ඉතාමත් වැදගත් වන්නේ මේ පසුබිම තුලය.
ත්‍රස්ත පණතට එරෙහිව වු පෙත්සමට පළමු අත්සන යොදා තිබුනේ කාර්දිනල් හිමියන් බව මඩකලපු දිස්ත්‍රික් පාර්ලිමේන්තු මන්ත්‍රි රාසමානික්කම් ඊයේ මාධ්‍ය හමුවේ කියා තිබුණි.
උතුරේ සහ නැගෙනහිර මර්ධනයට දැන්වත් දකුණට නොපෙනෙන් නම් ඔවුන් කිසිවිටකත් කිසි ලෙසකත් ප්‍රගතිශිලින් නොවේ. දකුණේ ප්‍රගිතිශිලින් ඒ් ග්‍රෝත්‍රික බැමි වලින් මිදි උතුරේ සහ නැගෙනහිර සමස්ථ මර්ධනය ගැන දැන්වත් දකුනේදි හඩ අවදි කළ යුතුව ඇත.
