( 11.20 am ) ගංවතුරත් සමග නිවසක් තුළට පැමිණ සැඟවී සිටි විශාල නාගයකු දෂ්ට කිරීමෙන් යාපනයේ කලූන්දායී ප්‍රදේශයේ වැසියෙකු යාපනය ශික්ෂණ රෝහලට ඇතුළත් කිරීමෙන් පසු පසුගිය 9 වනදා මියගොස් ඇති අතර ඔහුගේ බිරිඳ තවමත් අසාධ්‍ය තත්ත්වයෙන් යුතුව රෝහලේ ප්‍රතිකාර ලබන බව වාර්තා වේ.
ගංවතුර නිසා යාපනයේ ජනතාව සිය නිවෙස් අතහැර වෙනත් ප්‍රදේශවලට ගොස් ආපසු නිවසට පැමිණ එදින රාත්‍රියේ නිදාගෙන සිටියදී නාගයා දෂ්ට කොට තිබේ.
නින්දට ගොස් සිටි ස්වාමිපුරුෂයාට මුලින්ම නාගයා දෂ්ට කොට තිබුන අතර
නාගයාගේ ශබ්දය ඇසී එය බැලීමට පැමිණි බිරිඳට ද නාගයා දෂ්ට කොට ඇති අතර අසල්වාසීන් පැමිණ ඔවුන් දෙදෙනාව යාපනය ශික්ෂණ රෝහලට ඇතුළත් කොට තිබුණි.
එහිදී ස්වාමිපුරුෂයා මියගොස් ඇති අතර බිරිඳ තවමත් ප්‍රතිකාර ලබයි.
