සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන විසින් පොලිස්පතිවරයා වෙත සිදුකර ඇති දැනුම්දීමක් පදනම් කරගනිමින් යැයි පවසමින් පොලිසිය විසින් නිකුත් කර ඇති ලිපියට එරෙහිව ශ්‍රේෂ්ඨාධිකරණයේ මූලික අයිතිවාසිකම් නඩුවක් ගොනු කරන බව නීතීඥ සුනිල් වටගල පවසන බව ලංකා ටෲත් වෙබ් අඩවිය වාර්ථා කොට තිබේ
ඔහු මේ බව සඳහන් කර සිටියේ පැලවත්ත බත්තරමුල්ල හි පිහිටි ජනතා විමුක්ති පෙරමුණේ ප්‍රධාන කාර්යාලයේදී මේ වනවිට (07/08) පැවැත්වෙන ජාතික ජන බලවේගයේ නීතිඥයින්ගේ මාධ්‍ය හමුවේදීය.
මෙම මාධ්‍ය හමුව සඳහා මානව හිමිකම් කොමිසමේ හිටපු සභාපති ගසාලි හුසේන්, නීතීඥ උපුල් කුමරප්පෙරුම, මහ බැංකුවේ හිටපු නියෝජ්‍ය අධ්‍යක්ෂ, නීතීඥ විමලා සිරිවර්ධන ඇතුළු පිරිසක් එක්වී සිටියහ.
මේ අතර ජනතා විමුක්ති පෙරමුණ විසින් අද කුරුණෑගලදි සංවිධානය කර තිබුණ විරෝධතාවයක් අතරේ උසාවි නියෝගයක්ද අතැතිව පැමිණි පොලිස් නිළධාරියෙකුට ජවිපෙ ගොවි නායක නාමල් විසින් කියා සිටියේ ඔය සියළු නියෝග ආණ්ඩු ක්‍රම ව්‍යාවස්ථාවට යටත් බවය.
ඒ අනුව විරෝධතා දැක්විමේ අයිතිය ආණ්ඩුක්‍රම ව්‍යවස්ථාව මගින් තහවුරු කර ඇති අයුරු නාමල් කරුණාරත්න විසින් අදාල පොලිස් නිළධාරියාට පැහැදිලි කිරිමෙන් අනතුරුව නිරෝධායන නිතියට ගරු කරමින් විරෝධතාවය පවත්වන ලෙස කියමින් ඒ පොලිස් නිලධාරි ආපසු හැරි ගොස් තිබුණි
