ඔක්තෝබර් මාසය වනතුරු ඉන්දියාවට ‘කොවිඩ්-19’ එන්නත් අපනයනය ආරම්භ කිරීමට නොහැකි වනු ඇතැයි එරට රජයේ ආරංචි මාර්ග සඳහන් කරයි.
ඉන්දියාවට, රට තුළ එන්නත් අවශ්‍යතාව සැපිරීමට ඇති හෙයින් අපේක්ෂා කළාට වඩා ප්‍රමාදයක් වී ඇති බව වාර්තා වන අතර මේ හේතුවෙන් ලෝක සෞඛ්‍ය සංවිධානයේ මූලිකත්වයෙන් කෙරෙන ‘කොවැක්ස්’ එන්නත් වැඩසටහනට එන්නත් මාත්‍රා සැපයීම ද ප්‍රමාද වනු ඇති බවත් මේ හේතුවෙන් ගෝලීය එන්නත් වැඩසටහන ද දරුණු එන්නත් හිඟයකට මුහුණපානු ඇති බවත් වාර්තා වේ.
ලොව විශාලතම එන්නත් නිෂ්පාදන සමාගම වන සේරම් ආයතනය පිහිටා ඇත්තේ ද ඉන්දියාවේ ය.
මේ වසර අග වනවිට ‘කොවැක්ස්’ වැඩසටහනට සහ අනෙක් රටවලට එන්නත් අපනයනය කිරීමට බලාපොරොත්තු වන බව මේ සම්බන්ධයෙන් නිවේදනයක් නිකුත් කරමින් සේරම් ආයතනය සඳහන් කරයි.
“ඉන්දීය ජනතාවගේ ජීවිත අනතුරේ හොබවා අපි එන්නත් අපනයන නොකරන බව නැවත නැවතත් කියන්න අවශ්‍ය යි. ඉන්දියාවේ එන්නත්කරණ වැඩසටහනට සහයෝගය දැක්වීම සඳහා අපි කරන්න පුළුවන් හැමදේම කරනවා” යැයි සේරම් ආයතනය නිකුත් කළ නිවේදනයේ දැක්විණි.
මුලාශ්‍රය – ලංකාදිප
