.පසුගියදා ඉතාලියේ මෑත යුගයේ ජනහද දිනාගත් අග්‍රාමාත්‍යවරයා වන Giuseppe Conte මහතා තමන්ගේ අග්‍රාමාත්‍ය දූරයෙන් ඉල්ලා අස්විය.
එම ප්‍රවෘත්තිය ලෝකය පුරාවටම සැනකින් ප්‍රචාරය වීමට එක් හේතුවක් වූයෙ ඔහු වචනයේ පරිසමාප්තියෙන්ම ජනහද දිනූ බලයට ධනයට කෑදර නොවූ දේශපාලඥයකු වශයෙන් ඉතාලියේ බහුතරයක් අතර හොඳහිත දිනාගත් අතරන ජනප්‍රියත්වය ගිලිහී නොගිය ජන නායකු වීමය.
ලහි ලහියේම මෙම ප්‍රවෘත්ති ය ශ්‍රී ලංකාවේ රූපවාහිනී නාලිකා වලද ඔවුන්ගේ වෙබ් අඩෙවි වලද උණු කැවුම් ලෙස අලෙවි වන්නට විය
……අහෝ කරුමයකි..
සියල්ල කනපිට හරවමින් කොරෝනා අරගෙන ආවේ ඉතාලියේ අය තමයි කියා පසුගිය වසරේ ඉතාලියේ සිට ශ්‍රී ලංකාවට ගිය ශ්‍රමිකයන් ගේ කරපිටින් යැවීමට දැරූ උත්සාහයත්,ඉතාලියේ කොරෝනා ආසාදනයෙන් මියගිය මෘතශරීර කොකු වලින් ඇද සමූහ මිනීවලල් කරා රැගෙන යෑම පිළිබඳව අසත්‍ය සාවද්‍ය තොරතුරු සැපයූ සේම ඉතාලියේ අග්‍රාමාත්‍යවරයා ගේ ඉල්ලා අසවීමද කෝවිඩ් පාලනය කිරීමට අසමත් වූ හේතුවෙන් ඉල්ලා අස්වීමට සිදුවිය යැයි පට්ටා ගසන්නට විය.
ශ්‍රී ලාංකීය මාධ්‍ය මෙසේ ඉතාලියේ පිළිබඳව වෛරයකින් සාකච්ඡා කරන්නේ මන්දැයි ගැටලුවකි.එයට රටේ වගකීම් දරණ නියෝජිතයින්ද සිටි බැව්,ඒ අතර අජිත් රෝහණ,පාදෙනිය වඩාත් කැපී පෙනුන චරිතයක් විය.
ඒ පිළිබඳව මා පසුගිය වසරේ විශාල විරෝධතා සටහන් ඉදිරිපත් කල අතර මුහුණු පොතේ සහෘදයින් විසින් මා හට ශක්තිමත් පවුරක් ලබාදුනි.ශ්‍රී ලංකාවේ ඉතාලි තානාපති කාර්යාලය දක්වා එම සාවද්‍ය තොරතුරු රැගෙන යැමට හැකිවිය.ඒ අතර රටේ උගත් නූගත් මෙන්ම සම හරක් සංඝරත්නය ද විශාල වශයෙන් ඉතාලියට පහර ගසන්නට විය.
ඒ අන්දමටම ඉතාලියේ ජාති ආගම් භේදයකින් තොරව ආදරය ප්‍රසාදය හිමිකරගෙන සිටි අග්‍රාමාත්‍යවරයා ගේ ඉල්ලා අස්වීමද සාවද්‍ය ලෙස අසත්‍ය පට්ටපල් බොරුවක් ගොතා ප්‍රචාරය කිරීමට දෙරණ ,සිරස,ස්වාධීන රූපවාහිනිය,සහ ඔවුන්ගෙන් ප්‍රවෘත්ති ඩැහැගන්නා අනෙකුත් මාධ්‍ය බොරු ප්‍රචාරය තරඟ කාරීව රැගෙන ගියහ.මුද්‍රිත මාධ්‍ය වලත් එසේම විය,විශේෂයෙන්ම “දිවයින” ද එලෙසම සඳහන් කර තිබුනි.(මේ වනවිට වෙනස් කර ඇත්දැයි නොදනී)
එහෙත් සත්‍ය වශයෙන්ම ඔහුගේ අස්වීමට වඩා “ඉවත්වීම” යැයි සඳහන් කිරීම ඔහුට අපවිසින් කරනා ගෞරවයක් වනු ඇතැයි මම සිතමි.සත්‍ය වූ කලී…
පසුගිය සතියේ ඔහු ඉතාලියේ පාර්ලිමේන්තු වේ දී විශ්වාසභංගයකින්ද(මන්ත්‍රී සහ සෙනට් සන්හික සංඛ්‍යාවෙන්) ජයග්‍රහණය කලේ ඉතාලිය නම් වූ නැව පදවාගෙන යෑමට හැකි එකම කපිතාන් වරයා ඔහු වූ හෙයිනි.ශ්‍රී ලංකාවේ දේශපාලඥයන් මෙන් නොව ඔහු උගත් නීතීඥවරයෙකි.එමෙන්ම ඔහු වාමාංශික දේශපාලඥයෙකු වශයෙන් ජනප්‍රිය ලෙස පසුගිය කාලය පුරාවටම කෝවිඩ් වසංගතය පාලනය කිරීමට හැකිවූ එකම නායකයා විය.ඉතාලියේ පාර්ලිමේන්තුවේ කොටස් දෙකකින් සමන්විත වන අතර…..
නියෝජිත මන්ත්‍රී මණ්ඩලය630ඉතාලිය තුලින් තේරී පත්වන මන්ත්‍රීන් 618 විදේශ රටවල්වල රටවල් වල ජීවත් වන ඉතාලි ජාතිකයින් අතරින් මන්ත්‍රීන් 12 සෙනෙට් සභාවයි 400
අභ්‍යන්තර ගැටුම් ඕනෑම රටක ඕනෑම දේශපාලන පක්ෂය ට ඇතිවනවා සේම අභාග්‍යසම්පන්න ලෙස මෙම අකාරුණික මොහොතේ Italia Viva වාමාංශික පක්ෂය අභ්‍යන්තර ගැටුම් හේතුකොටගෙන Giuseppe Conte අග්‍රාමාත්‍යවරයාගේ රජයෙන් ඉවත් වූවා. ඒකට හේතුව වූයේ ඇමතිවරුන් දෙදෙනෙකු සහ අමාත්‍යාංශ ලේකම්වරයෙකු ඉවත් කර ගැනීමයි.
අලුතින් මන්ත්‍රීන් සංඛ්‍යාව 630සිට 400 දක්වා ද සෙනෙට් සභිකයින් 315 200 දක්වා ද අඩු කර ඇත(ඉදිරියේදි මෙම වෙනස්කම)
ඔවුන් ඉවත් වී ගියත්,නියෝජිත මණ්ඩලය,ඉතාලියේ අන්දමට Camera dei Deutati ශක්තිමත් වුවත්,අදාල පක්ෂය නියෝජනය කරන සෙනෙට් සභිකයින් 16 ඉවත්ව ගියායින් පසුව, බහුතරය පිළිබඳව ගැටලුවක් ඇතිවීම හේතුවෙන් සෙනෙට් සභිකයින් සහ මන්ත්‍රී සභිකයින්ගේ විස්වාසය ලබා ගැනීමට විශ්වාසභංගයකට යෑමට අග්‍රාමාත්‍යවරයා ට සිදුවූවා….එහිදී……..නියෝජිත මන්ත්‍රී මණ්ඩලය වැඩි ඡන්ද ගණනකින් ජයග්‍රහණය කිරීමට හැකි වුවත්,ඔහුටසෙනට් සභාව ජයග්‍රහණය කළේ සුළු ඡන්ද සංඛ්‍යාවකි….එහි බහුතරයක් ලබගැනීමට නොහැකි වුණා
(ඒ පිළිබඳව මා සටහනක් එදින ඉදිරිපත් කළෙමි)ඉතාලියේ රජය ඕනෑම නීතියක් සම්පාදනය කිරීමේදී මන්ත්‍රී සභිකයින් ගේ මෙන්ම සෙනෙට් සභිකයින්ගේ ද අනුමැතිය ලබාගත යුතු බැවින් ඡන්ද 155 කින් පමණක් ජයග්‍රහණය කළ සෙනට් සභාව ඉදිරියට ආණ්ඩුව ගෙන යෑමට බාධාවක් වීම නොවැලැක්විය හැකියි.එය අග්‍රාමාත්‍යවරයා වටහා ගත්තා.ඔහුට අවශ්‍ය වූයේ සෙන්ට් සභිකයින්ගේද බහුතරයක් . ශ්‍රී ලංකාවේ මෙන් පනින සහ පන්නාගන්න ගෙම්බන් ඉතාලියේ නොමැති වීමත් නීතියට ගරුකරන ජනතා හිතවාදී Conte තමන්ගේ රජය නැවත ජනාධිපති වරයාට භාර කරා…
ඒක CovID-19 පාලයන කරගැනීමට නොහැකි වීමක් වන්නේ කෙසේද ?සෙනෙට් සභාවේ බහුතරයක් නොමැති වීමෙන් ඔහුට එහි පාලනය කිරීම අපහසු කරුණක්.
ආණ්ඩුව තුල නොසිටි සමහර කණ්ඩායම් මෙම මොහොත වන ව්ට Giuseppe Conte සමඟ විශේෂ සාකච්ඡා වට කිහිපයක් පවත්වමින් සිටින මොහොතක මේ සටහන තබන්නට හැකිවීම සතුටට කරුණක්.දක්ෂිණාංශික දේශපාලන හස්තයන්ගේ බලපෑම උඩ ඉතාමත් බුද්ධිමත් ඔහු ඉල්ලා අස්වූවත් …..නොදුරු අනාගතයේදී නැවත සෙනට් සභාවේ බහුතරයක් ඇතැතිව ඉතාලිය නම් නැව්කාවේ කපිතාන් වරයා වන්නට බොහෝ සේ ඉඩ ඇතිබවට මාගේ විශ්වාසයයි(ඉතාලියේ මාධ්‍ය අදහස් වලට අනුව)
සත්‍ය වශයෙන්ම සෙනෙටි හි බහුතරයක් නොමැතිවද ඔහුට රජය පවත්වාගෙන යෑමට හැකියාව තිබුනත්…නිරහංකාරයේ පරිසමාප්තියෙන්ම ඔහු ඉවත් වී ගියා.මේක ශ්‍රී ලාංකීය දේශපාලඥයන් හට මෙන්ම,ඉතාලියේ සිට ශ්‍රී ලංකාවට අසත්‍ය ප්‍රවෘත්ති ලබාදෙන වන්දිභට්ටයින්ට විශාල පාඩමක් කියාදීමක් වැන්නක්….
.ශ්‍රී ලාංකීය වනචර මාධ්‍යද මීට වඩා සැලකිලිමත් වූවා නම් ….අඩුපාඩු ඇතොත් දන්වන්න
©එමිල් රෝහන්
