(12.45 pm ) ආරච්චිකට්ටුව පොලිසිය තාවකාලිකව වසා දැමීමට කටයුතු කර ඇතැයි නිව්ස් සෙන්ටර් වෙබ් අඩවිය වාර්තා කොට තිබේ. හලාවත පොලිස් අධිකාරී කාර්යාලය සඳහන් කරන්නේ එම පොලිසියේ පොලිස් කොස්තාපල්වරයෙකු කොරෝනා ආසාදිත යැයි හඳුනා ගැනීම හේතුවෙන් මෙම පියවර ගත් බවය.
හලාවත හා ආරච්චිකට්ටුව ප්‍රදේශවලින් හඳුනාගත් කොරෝනා ආසාදිතයන් හත්දෙනකු අතර මෙම කොස්තාපල්වරයා ද සිටී.
වසා දමන ලද ආරච්චිකට්ටුව පොලිසිය වෙනත් ස්ථානයක ස්ථාපනය කිරීමට තීරණය කර තිබේ.
වයඹ ටුඩේ වෙබ් අඩවිය සදහන් කරන අන්දමට 24 වැනිදා රාත්‍රීයේ ලැබී ඇති පී.සී.ආර්.පරීක්ෂණ ප්‍රතිපල වලට අනුව හලාවත සහ ආරච්ච්කට්ටුවේ 7 දෙනෙකු හට කොරෝනා ආසාදිතවි තිබේ.
හඳුනා ගෙන ඇති කොරෝනා ආසාධිතයින් අතර ආරච්චිකට්ටුව පොලීසියේ සේවය කරන පොලිස් කොස්තාපල්වරයෙකුද වේ.ආරච්චිකට්ටුව පොලීසියේ සේවය කරන උප පොලිස් පරීක්ෂකවරයෙකු සහ පොලිස් කොස්තාපල්වරයෙකු ස්වයං නීරෝධායනයට යොමු කර තිබී ඇත.මොවුන් දෙදෙනා හලාවත – මැදවත්ත ප්‍රදේශයෙන් හමුවී ඇති ආසාධිතයෙකුගේ සමීපතයින් ලෙස හඳුනා ගෙන ඇත.එසේ නීරෝධායනයට ලක් කර සිටි එක් නිලධාරියෙකු කොරෝනා ආසාධිතයෙකු බවට හඳුනාගෙන ඇති බව සෞඛ්‍ය අංශ සඳහන් කරයි.
මේ අතර 24 වැනිදා හඳුනා ගෙන ඇති සෙසු ආසාධිතයින් අතර හලාවත පදිංචිකරුවන් 05 දෙනෙකු වේ.ඔවුන් හලාවත – වැල්ල,මුන්නේෂ්වරම සහ කරවිටාගාරය පදිංචිකරුවන්ය.හදුනා ගෙන ඇති අනෙක් ආසාධිතයා ආරච්චිකට්ටුව – සින්නකරුකුපනේ පදිංචි කාන්තාවකි.ඇයගේ සැමියා ධීවරයෙකු බවටද හඳුනා ගෙන ඇත.
